Əfsanəvi amerikalı aktyor və müğənni, 67 yaşlı Devid Kessidi ABŞ-ın Florida ştatındakı Fort-Loderdeyl şəhərinin hospitalında keçinib.
Xanim.az Milli.Az -a istinadən bildirir ki, Kessidi dünən günorta saatlarında dünyasını dəyişib.
“Devid sevdiyi insanların əhatəsində, qəlbində sevinc, onu uzun müddətdən bəri incidən ağrıdan qurtularaq öldü”, – müğənninin rəsmi nümayəndəsi Coanna Qeffen deyib.
Noyabrın 19-da Devid Kessidi kritik durumda hospitala yerləşdirilmişdi. Qeffenin dediyinə görə, Kessidinin daxili orqanlarında kəskin funksional çatışmazlıq vardı.
Kessidinin özü bu ilin fevralında demişdi ki, demensiyadan əziyyət çəkir. Üç il əvvəl isə alkoqolizmdən qurtulmağa çalışdığını etiraf etmişdi.
Devid Kessidi 1970-1974-cü illərdə nümayiş olunmuş “Partridge Family” musiqili komediya serialından sonra məşhurlaşıb. Daha sonra o, teatr tamaşalarında baş rollarda oynayıb, konsertlər verib. Kessidinin filmlərdə və seriallarda 88 rolu vardı.
Yorumlar